星期日同埋‘咸檸嫂’走入流浮山歡樂海鮮酒家嘆下海鮮,咸檸嫂話係「蒙主感召」喎,但其實佢係想報答我上次寫佢寫到「上天」的善果就真。

首先本人對海鮮係情有獨鍾同對海鮮質素係有一定既要求,因為如果煮得唔好會白白浪費左啲咁貴既海鮮,當然稱得上海鮮緊係要揀真正的「海活」啦!好多人以為只要啲海產「新鮮」就一定好食,但其實最重要係「野生」,就算一條海產既「雞魚」味道都勝過人工飼養既石班多多聲,不過呢啲都係後話………。

自己試過好多海鮮酒家亦去過很多出名食海鮮既地方(最唔好食既係離島嗰啲,有啲仲好貴) 。而自己就偏愛流浮山一帶,鐘意流浮山既酒家冇落咁重調味及冇誇張地把海鮮既鮮味遮蓋;畢竟勾出每種海產獨有既鮮味先係最重要。

其實流浮山既海鮮酒家有好多,今次去歡樂海鮮酒家係因為佢既海鮮有好多特別既煮法同埋佢既其他菜式做得相當不錯 (流浮山有好多酒家都淨係主要serve海鮮,其他菜式就好少) 。

當然食海鮮最好緊係愈多人愈好,但我地兩個人都叫左4道菜式:

My favorite 就緊係首選「瀨尿蝦」,叫左2隻每隻足9兩,好食程度係香港既高班水準(不得不提既係好似咁大隻既瀨尿蝦一般都係由菲律賓或泰國運到,所以好難係街市買到架)。可以揀「椒鹽」但係最鐘意既都係佢地獨有既「麻香」,1%辣100%香。

只可惜只叫左2隻,下次要Double上!

「蒜蓉粉絲蒸扇貝」都好好食,但都係鐘意布袋澳多啲。

【食到一半先記得影相,Sorry】

「芝士焗龍蝦仔(切邊伊麵底)」 80分好食,芝士味濃而不搶龍蝦本身味道(揀龍蝦仔除左因為平啲之外,仲因為龍蝦仔啲肉比較嫩滑)。

係一般街坊酒樓食「芝士龍蝦伊麵底」既話,絕對變左為「鱷魚頭老襯底」,嗰啲龍蝦仲衰過白灼蝦,伊麵仲難食過屋企嗰啲公仔麵,加上一啲都唔平。除左去飲外,我寧願張啲錢捐番俾Green Peace好過。大家小心!

「食神抄飯」由佢地既「少年廚神」創作,係得獎菜。每次食都覺得非常之好食,「食神抄飯」係用隔夜飯加新鮮飯抄成,特別鐘意佢加左蟹子作配托,除令外觀顯得特別艷麗外更令抄飯異常地充滿口感,每啖抄飯絕對大可以以「二分法」享受品嚐。必食!

佢地有好多名人到訪;我同咸檸嫂兩人食要7百幾,有質量既話我覺得OK喎,相比其他地區算唔錯(試過同咸檸嫂好低調地食過$2000海鮮,肉痛!),不過嫌貴既話可以去入面其他既酒家,質素都好高架!

咸檸七