最近看到香港首富李嘉誠跟我地「偉大」既中華人民共和國主席胡錦濤握手見面。會面規格更媲美元首級數,更厲害的是「偉大」既胡主席更公開向傳媒說道「我說不管時間長短,我總是要見一見李先生,跟李先生聊一聊」。語調曖昧得像向情人甜言挑逗,試問「偉大」既胡主席何時試過主動搵曾特首「聊聊」(普通話)呢?

關於元首會面的規格,有一段十分有趣兼極富黑色幽默的路邊新聞。記得當年澳門回歸時,前中華人民共和國主席江澤民親臨澳門主持回歸慶典,慶典過後大伙人相繼參加回歸晚會順便跟澳門的名門望族打打交道,江主席更慷慨地跟在場的一名女士在台上高歌一曲,演唱過後江主席好奇地問身邊的幕僚那位女士是何方來頭,幕僚恭敬地答道「是四姨太」。江主席馬上氣憤地召來舉辦晚會的港澳辦阿頭,即場大罵一頓及當堂解除其職務。試問堂堂「偉大」既國家主席點可以同人(口地)既妾氏或者情婦係公眾場合同台露面呢!萬一被外國傳媒廣泛報導的話,可真傷了十二億廣大人民既心啦。

所以今次「胡李會」絕對係暗示俾香港人知香港是「李家之城」。什麼唐英年、梁振英等競選特首?其實到最後又係李家既天下;電話係佢、百佳又係佢,連明星都俾佢個仔「嗒埋」(仲唔駛結婚),試問我點會唔仇富呢!

咸檸七