‘咸檸嫂’話想再入流浮山食海鮮,但今次想試下入面其他酒家,亂衝亂撞入左去龍如酒家,叫左三道海鮮:

海鮮魚湯
雖然係送既但毫無魚或海鮮味道,真伙唔好以為奶白色既魚湯,就係好味。

椒鹽瀨尿蝦
極之普通,沒味(連本身既鮮味都冇) ,雖然瀨尿蝦好大隻,但係唔識煮既話都係冇用。除左一般酒樓外,佢地整得最差。失望!

油浸奄仔
差到無論!起初佢地係咁Sell,又話多膏又話當做又話佢冇介紹錯。一上枱一睇啲膏少到無論,食落只係嗒到「被騙的滋味」,其他所有膏味盪存。大家都知奄仔咁細隻肉又唔多,真係食一半,Lul一半。成二百幾食啲咁既野,不如係街市買番去俾‘咸檸嫂’ 煮,可能仲有少少驚喜。失望x10!


紅燒花尾躉(尾)
最後上既係紅燒花尾躉,嘩!真係好好食啊!超級啖啖肉,最鍾意食龍躉既皮,極富膠質,既有韌性既帶爽脆。每咬一口都仿佛肉汁尚在,直至牙關疲軟先至無可奈何勉強吞嚥。成碟紅燒花尾躉唔過十舊,但居然靠佢撐起成個肚,犀利!非常推介。好食x100000!

仲有(椰汁?)大菜糕
食左仲以為自己鼻窒,完全冇味。送但都係失望。


以標榜海鮮為名的話,龍如酒家絕對唔合格。我會再去的話只會因為條龍躉再去,如果要試其他海鮮以咁既價錢(2人$1000左右)來說,大把質素好既可以選擇,雖然佢班伙記係門口勁Sell佢地幾耐歷史,但都係如此。如果同十幾個朋友咁遠水路去到流浮山,我勸大家就唔好搵呢間呢博啦!

咸檸七